माडीका तीनवटा खोलाहरुमा निर्माणाधीन पुलहरुको ई.आई.ए गरिँदै

नारायणगढ माडी ठोरी हुलाकी सडक अन्तरगत माडीका तीनवटा खोलाहरुमा निर्माणाधीन पुलहरुको वातावरणीय प्रभाव मुल्यांकन (ई.आई.ए.) प्रतिवेदन तयारीको प्रक्रिया अगाडि बढेको छ । हुलाकी सडकमा पर्ने मगोई, बगहीँ र रिउ खोलामा निर्माणाधीन पुलहरुको ई.आई.ए.का लागि सार्वजनिक सुनुवाई सञ्चालन हुन लागेको छ ।

सडक विभाग अन्तरगत योजना तथा अनुगमन महाशाखा, भू-वातावरण तथा सामाजिक शाखा प्रस्तावक रहेको सो ई.आई.ए. अध्ययनका लागि आउँदो असार २७ गते दुई स्थानमा सार्वजनिक सुनुवाई आयोजना गरिएको हो । मगोई खोलामा पुल निर्माण सम्बन्धमा सो दिन बिहान ७:३० बजे माडी नगरपालिका कार्यालयमा सार्वजनिक सुनुवाई आयोजना गरिएको छ । त्यसैगरी रिउ तथा बगहीँ खोलामा पुल निर्माण सम्बन्धमा दिउँसो ४:३० बजे माडी माडी-९, गोबिन्दबस्ती (बगहीँ)मा सार्वजनिक सुनुवाई गरिने सिद्धार्थ ईन्भाइरोमेन्टल सर्भिसेज काठमाडौंका प्रतिनिधी श्रवण कुमार घिमिरेले जानकारी दिनुभयो ।

कार्यक्रममा उपस्थित भई आयोजना कार्यान्वयनबाट पर्न सक्ने वातावरणीय प्रभावबारे रायसुझाव उपलब्ध गराउन प्रस्तावक पक्षले सम्बन्धित सबैमा अनुरोध गरेको छ । हाल निर्माण कार्य अगाडि बढिसकेको मगोई खोलाको पुल ९७.१ मिटर, बगहीँ पुल ७० मिटर र बगहीँस्थित रिउ नदी पुल २४० मिटर लामो हुने जनाइएको छ ।

यसमा तपाइको अभिमत

सम्बन्धित शीर्षकहरु