नगरपालिकाकाे सेवा भरपर्दो बनाउन प्रमुख प्रशासकीय अधिकृत कँडेलकाे निर्देशन

माडी नगरपालिकाको प्रमुख प्रशासकीय अधिकृतका रुपमा हालै जिम्मेवारी सम्हाल्नुभएका हरिदत्त कँडेलले कर्मचारीहरुलाई मुस्कान सहितको सेवा प्रवाह भरपर्दो बनाउन निर्देशन दिनुभएको छ ।

माडी नगरपालिकाको नियमित बैठक अन्तरगत आइतबार सम्पन्न कर्मचारी बैठकमा प्रशासकीय अधिकृत कँडेलले मुस्कान सहितको सेवा प्रवाह भरपर्दो बनाउन, सेवाग्राहीहरुलाई छिटो छरितो सेवा प्रदान गर्न र नगरपालिकाको सेवा प्रवाहमा कुनै कसर बाँकि नराखी काम गर्न निर्देशन दिनुभएको हो । नगरपालिकाका कर्मचारीहरुले समयको ख्याल गर्नुपर्ने, कार्यालयलाई हानी वा सेवाग्राहीहरुलाई असहज हुनेगरी बिदा बस्न नहुने समेत उहाँको आग्रह थियो ।

यस अघि नगरपालिकाको प्रमुख प्रशासकीय अधिकृतको जिम्मेवारीमा रहनुभएका कृष्ण प्रसाद जैसी सरुवा भई बिदाई भएसंगै कँडेलले जिम्मेवारी सम्हाल्नुभएको हो । जैसीलाई शुक्रबार नगरपालिकाले एक संक्षिप्त कार्यक्रमसहित बिदाई गरेको थियो ।

यसमा तपाइको अभिमत

सम्बन्धित शीर्षकहरु